U District Sports Officer, West Jaiñtia Hills District, Jowai ula pyntip ba ka tnad Directorate of Sports & Youth Affairs, Meghalaya, Shillong ha ryngkat ka jingïatreilang bad ka Meghalaya State Olympic Association kin pynlong ïa ka 5th Meghalaya Games 2024 ka ban sdang naduh ka 15 tarik haduh ka 20 tarik u Kyllalyngkot, 2024 ka ban long ha nongbah Tura, West Garo Hills District.
Ha kaba ïadei bad kane kan don ka jingrah ïa ka Dong Musa (Torch Relay) ha ki lai sngi kata ha ki lai tylli ki District ha Shillong, Jowai bad Tura. Ha Jowai ïa ka Dong Musa yn pynpoi ha ka 11th January, 2024 ha kapor 11 baje mynstep ka ban sdang ïa ka jingïaid na Ummulong bad pynkut ha Ummulong Stand, Jowai.
Na Ummulong Beat House yn rah ïa ka Dong Musa da u rang ïalehkai phutbol Marlangki Suting bad ka kynhun ha ka jingdonlang u ma K. Passah, District Sports Officer, nangta na Ummulong sha Mihmyntdu Lad College da ka kali, na Mihmyntdu Lad College sha Mooralong (Vishal), na Mooralong (Vishal) sha Ladthadlaboh Market, na Ladthadlaboh Market sha Ladthadlaboh (V Mart), na New Hill (1-Family Mart) sha Marian Hill H/S School, na Marian Hill H/S School sha Stand Ummulong (Culmination Point).
Katba na ka liang u Chief Guest ha katei ka sngi un aiti ïa ka Dong Musa ha u bah Beningstar Lyngkhoi (International Athlete) uba dei u Torch Ambassador bad ïa kane ka Dong Musa yn leit rah sha nongbah Tura.