Yn khmih u bah Syiemlieh ia ka kam DC ha EJH
Katkum ka hukum sorkar bala pynmih mynta ka janmiet la kdew ba ia u bah E. Kharmalki IAS, uba ju bat kum u Deputy Commissioner jong ka East Jaintia Hills la pynkynriah kam noh na East Jaintia sha nongbah Shillong bad un shimti noh shen ia ka kam kum u Secretary to the Govt. of Meghalaya, Mining & Geology Department tad haduh ban da pynmih da kawei pat ka hukum.
U bah Kharmalki un hap ban shimti ia ka kam kaba la ju bat teng da u Dr. C. Manjunatha, IFS uba la shah pyllait noh na kane ka kam naduh mynta ka sngi.
Ha kaba iadei bad ka kam Deputy Commissioner ha East Jaintia Hills District ka sorkar kala pynkhamti ha u bah S.S Syiemlieh, MCS ban peit ia kane ka kam naduh ba la aiti noh kam u bah Kharmalki.