Ki ar tylli ki kynhun kata ka All Jaiñtia Muster Roll Workers & Labour Union ryngkat bad ka All Jaiñtia Mid Day Meal Workers Union, Chnat Jowai kin sa pynlong ia ka General Meeting ha ka shnong Sohmynting ha ka 13 tarik mynta u bnai kaba dei ka sngi Saitjaiñ.
Kane ka jingialang kan sdang naduh ka por 9:00 baje mynstep ha Community Hall jong ka shnong Sohmynting. Ki mat ki ban ia kren bad iatai sani ki long halor ka bha ka miat jong ki Muster Roll, ki MDM, ki AWW, ki ASHA bad ki nongbylla sngi, kumjuh halor ka aiñ RTE 2009.
Kumta la khot lang ia baroh kiba iadon bynta naduh ki Muster Roll, ki nongbylla sngi, ki nongrep bad kiwei dei kiba trei bylla sngi jong ka sorkar kiba shong ba sah ha Jowai bad ki shnong ba marjan bad ka nongbah Jowai ba kin sngewbha ban wan khlem pep sha kane ka jingialang paibah (General Meeting), khnang ba ki jingthmu kin long kiba jop.