Mynta ka sngi ka Seng Kur Tyngkan ka la ioh ban pynlong ia ka jingialang Kur hapdeng ka jingphuh jingphieng, ia kaba la pynlong ha ka shnong Mooshort, West Jaiñtia Hills District.
Ha kane ka sngi ki Kur Tyngkan na kylleng ki bynta jong ka ri Lum Jaiñtia kila ia wan poi sha kane ka jingialang Kur. Ha ka jingialang la ai ia ka jingsneng jingkyntu ia ki khun jong ka Kur da u President ma K. Tyngkan bad ruh na ki nongkitkam jong ka seng kur.
Na ka liang u ma K. Tyngkan ula ai khublei ia baroh ki kur kiba la poi sha kane ka jingialang na ki shnong bapher bapher. U la khot ia baroh ki kur Tyngkan ba kin long kiba don ia ka mynsiem jingiatylli, jingiaieit bad ka jingiaburom mar kylliang iwei ia iwei pat.