Ka lympung ïalehkai phutbol bala tip kum ka “3rd Sniawbhalang Football Tournament” kaba la long mynta ka sngi 15 tarik u Kyllalyngkot ha madan Wahiajer Stadium Wahiajer West Jaiñtia Hills District.
Haba phai sha ka jingïakhun ‘Quarter Final’ ba lai mynta ka sngi na ka liang ka kynhun ïalehkai jong ka Nongkhroh kala lah ban pynliem haduh 3-0 kol ïa ka Kremmyrsiang, ïa ki kol na ka Nongkhroh la thep da u Decidirius Pyrtuh haka minit ba 24 bad u Snowel Kharsati haka minit ba 32 & 41. lyngba kane ka jingjop jong ka Nongkhroh kala ïoh ban rung sha ka Semi Final.
La pyntip ba ka jingïakhun ‘Quarter Final’ ba saw kan long haka 16/01/2024 hapdeng ka Mynsngat pyrshah ïa ka Umjlasiaw haka por 1 baje shiteng nohphai sngi.