Ka Seng Samla Sengkhihlang kan pynlong ïa ka Lympung kaba 4 ka jong ka ha kane ka 17,18/02/2024 haka Sengkhasi Mawphlang kaba hap hapoh ka East Khasi Hills District, bad ka jing jngai na ka Nongbah Shillong shaduh sha Mawphlang ka long 24 Kilometer.
Kumta ngi na ka liang jong ka Sengkhihlang Seng Kmie ka khot bad wer ïa baroh ki khun ka bri u Hynñiew Trep Hynñiew Skum naka Ri ki 30 Syiem bad 12 Daloi na ki tnad Seng Khasi bad Seiñ Raij bapher bapher ban ïawan sha kane ka Lympung ki khun Samla bad wan artad ryngkat bad ki Riam tynrai ba phuh ba phieng.
Ha ka juh ka por ka Seng Samla sengkhihlang ka kyrpad ruh ïa ki President/Secretary jong ki tnad Sengkhasi bad Seiñ Raij ki Syiem ki Daloi ba kin sngewbha ban ïawan sha kane ka lympung.
Kane ka lympung ba 4 ki khun samla Sengkhihlang kan long ha ka madan ka Shnong Mawphlang kaba long mar pyrshah bad ka Lawkyntang ka Sengkhasi Mawphlang, pynkut ka kyrwoh khubor na Rgh. S. Sari Publicity Secretary ka Sengkhihlang.