Ka District Commerce & Industries, West Jaiñtia Hills District mynta ka sngi 15 tarik u Kyllalyngkot kala plie ïa ka prokram ai jinghikai kaba 15 sngi halor ka Skill Development Programme (SDP) kaba ïadei bad ka rukom shna khiew khyndew jong ki longshwa kaba la long ha ka shnong Larnai WJHD.
Ha kane ka sngi u Deputy Commissioner bah B.S Sohliya, IAS, West Jaiñtia Hills District ula long kum u kongsan ban plie ïa kane ka Skill Development programme ba 15 sngi, haka jingdonlang u ma M.L. Wanshnong, Joint Director, Commerce and Industries Department kum u symbud kongsan.
Kane ka jingai jinghikai ka long shi bynta na ka projek jong ka “Scheme on Studies for Promotion & Strengthening of Black Pottery ha Tyrshang bad Larnai village, West Jaiñtia Hills District, ka ban sdang naduh ka 15 tarik haduh ka 28 tarik u Kyllalyngkot, 2024 ha kaba la don haduh 76 ngut ki nongshna khiew khyndew na ka shnong Larnai.
Ka Institute of Mahatma Gandhi Institute for Rural Industrialization (MGIRI), Wardha hapoh ka Ministry of MSME, GOI kala shim khia halor ka rukom pule bniah shaphang kane ka bynta hapoh ka jingïalam u Dr. K. Venkata Rao, Deputy Director, Rural Craft and Engineering. La ïathuh ba kane ka skim la mang pisa da ka Commerce and Industries Department, jong ka sorkar jylla.
Ha ka jingïalang mynta ka sngi la donlang kumjuh da Dr. K. Venkata Rao, Deputy Director MGIRI, Wardha, bah B. Warjri, General Manager DCIC, WJHD, Jowai, kong S.E. Kharpran, Functional Manager DCIC, WJHD, Jowai ma S. Pale, IPO, DCIC, WJHD, Jowai, kong E.Shylla, Field Coordinator, u Waheh Shnong ka Larnai bad ki dkhot jong ka Dorbar Shnong lem bad ki nongshna khiew khyndew.
