Ka lympung ïalehkai phutbol Republic Day Cup, Under-13 Football Tournament 2024 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha ka jingïakhun Quarter Final ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka kynhun ïalehkai jong ka PSA kala lah bna pynliem da 3-1 kol ïa ka Panaliar, ïa ki kol na ka PSA la thep da u Chanmiki Myrchiang haka minit ba 2 & 41 bad u Aiborlang Mulieh haka minit ba 51. Katba ïa ka shikol na ka Panaliar la thep da u Sawa o Phira haka minit ba 16.
Ha ka jingïakhun kaba ar ka FAM kala pynliem da 2-0 kol ïa ka Kseh Sylle Ialong, ïa ki kol na ka FAM la thep da u Dachanmitre Dkhar haka minit ba 18 bad u Felixson Suting haka minit ba 54.
La pyntip ba ka jingïakhun ‘Semi Final’ kan long haka 22 tarik u Kyllalyngkot ha ki ar tylli ki jingïakhun.