Kum ban pynkut ia ka jingwan jngoh ba 3 sngi jong ka President ka ri India ka Droupadi Murmu ia ka jylla Meghalaya mynta ka sngi ka la plie pyrda ia ki dur mot jong ki 3 ngut ki nongialeh laitluid ka jylla kata u Tirot Singh, u Kiang Nangbah bad u Pa Togan Sangma ha Raj Bhavan, Shillong.
Ia kine ki dur mot la oh shrong da ka Riti Academy of Visual Arts.
Ha kane ka jingplie pyrda ia kitei ki dur mot la synran lang ia ka President da u Lat ka jylla u Paghu Chauhan, u Myntri Rangbah ka jylla u Conrad K Sangma, ka Myntri ka koit ka khia ka Dr. M Ampareen Lyngdoh bad ki heh ophisar sorkar ba la lam khmat da u Chief Secretary u bah D.P. Wahlang.
Ka President kala iaroh ia ka kam kaba kine ki 3 ngut ki matyr kiba la ieng ban ialeh pyrshah ia ki bor synshar jong ka British kat haduh ba kila aiti iala ka jong ka jingim na ka bynta la ka ri.
Ha shwa ba ka President kan mih noh na Shillong kala iashim bynta ban thung dieng ha Raj Bhavan.
