Khot ki bor pyniaid District ka WJH ban iashim bynta ha ka Republic Day Run-2024

Ka Office jong u Deputy Commissioner, West Jaiñtia Hills District, ryngkat ka jingiatreilang bad ka office jong u District Sports Officer, West Jaiñtia Hills District, Jowai kin pynlong ia ka Republic Day Run-2024, ha ka 26th January, 2024 ha ka por 6:00 AM na ka bynta ki shynrang bad khynthei (open category), ka ban sdang ia ka jingkaweh ia ka lama naduh Main Gate Kiang Nangbah Stadium kum ka jaka sdang (Starting point) bad ter ter sha Ladthadlaboh Main Road, Jowai Public School, Gate Polytechnic, Kshaid Rymphum, Salaroh, Dulong Poh-hali Road, Dulong, Pamhadem, Panaliar, Iongpiah, Mission Compound, H. K. Singh School, D.C Office, New Hill, National Highway haduh ban da poi Kiang Nangbah Indoor Stadium kum ka jaka pynkut (Finishing point).
Ka Registration ia baroh ki nongiashim bynta kan long ha Kiang Nangbah Indoor Stadium, Jowai ha por 5:30 thik mynstep.
Kumta ka Office jong u District Sports Officer, West Jaiñtia Hills District, Jowai ka khot ia baroh ki ba na West Jaiñtia Hills District ban iashim bynta ha kane ka lympung iamareh. Ha kane ka lympung yn don ka jingsam ia ki prise bad ki momentos sha ki nongjop.