Ha ka jingrakhe ia ka sngi jingioh jylla ba 52 ne ka ‘52nd anniversary of statehood day of Meghalaya’ u Lat jong ka Jylla u Phagu Chauhan mynta ka sngi u la plie pyrda ia ki Mawbynna kiba la pynieng habar jong ka Main Gate jong ka Raj Bhavan, Shillong kaba long ruh shibynta na ka jingrakhe ia ka jingdap 150 snem jong ka Raj Bhavan.
U Lat ula plie ruh ia kawei ka ïing halor dieng (Tree-house) kaba la shna hapoh ka phyllaw jong ka Raj Bhawan na ka bynta ban pyni tynnad shuh shuh ia kane ka jaka sah u Lat.
La sakhi lang ia kane ka jingplie pyrda da ki ophisar bad ki nongtrei jong ka Raj Bhavan hapoh ka jinglamkhmat jong u Commissioner and Secretary to the Governor u Dr. BDR Tiwari.
