Ki bor pyniaid District jong ka East Jaiñtia Hills hynnin ka sngi kila pynlong ia ka jingrakhe ia ka ’52nd Meghalaya Day’ kaba la pynlong ha Conference Room jong ka office u Deputy Commissioner, East Jaiñtia Hills District, Khliehriat.
Ha kane ka sngi u Deputy Commissioner, East Jaintia Hills District, u Shri A. Baranwal u la long u kongsan. La iadonlang u Additional Deputy Commissioner, Shri G. Warjri, Assistant Commissioner, Smti. F. Wann, kiwei de ki sahep sorkar, ki riew rangbah, ki khynnah skul bad ki nonghikai.
La don ruh ka prokram shad tynrai ba la ïashim bynta da ki khynnah skul ka Khliehriat Higher Secondary School bad ka Rymbai Government Secondary School.
Ia kane ka jingrakhe Meghalaya Day la juh pynlong ha ka 21 tarik u Kyllalyngkot, hynrei ha une u snem la hap ban pynlong ha ka 20 tarik namar ba ka 21 ka hap ha ka sngi Sunday.(DPRO, Khliehriat)
