Ka Seiñ Khynrow Dong Iaw Pyngkat Mynso-B ha kane ka 26 tarik mynta u bnai ka lah ïoh ban plie ïa ka ïing bala shna da ka Seiñ khynrow Dong Iaw Pyngkat Mynsoo-B West Jaiñtia Hills District.
Ha kane ka sngi la don ka jingïalang ba lyngkot ba la ïalam da u samla Shembha Lamare bad la ïa don ryngkat ruh ha kane ka sngi da ki riew paw khmat jong ka Shnong Mynso naduh u Waheh Chnong ma Sardonyx Lyngdoh, u ma Washington Shylla, ka kong Rispian Syntem u Arness Syntem bad TBn. D Khyriem.
Na ka liang u samla Shembha Lamare haba ai jingkren ula ïathuh ïa ka jingïaid lynti jong ka Seng ha kaba da kawei ka sur kala rai ban ïarap ïa kiba duna ha ka ïoh ka kot bad kumjuh ruh ula kyntu ïa ki paid nongshong Shnong ban don ka jingïatylli na ki bynta ki kam ba bha, khamtam ban teh lakam na ka jingkynrei u Drug kaba ki khun samla ki lah ban ngop bad kumjuh ïa kiwei de ki jingdih buaid ba bun jait.
Ha kane ka Sngi lah ïoh ban ot ïa u ribbon bad ban plie ïa ka ïing bala dep shna da u Koni Myrchiang uba long ruh u kpa jong kane ka ïing hi.
