Kum shi bynta ban wanrah ia ka shong suk shong shngaiñ bad iada ia ki riew kynthei na ka jingshah lehbeiñ, ka Jaintia Hills Development Society (JHDS) ryngkat ka jingiatreilang bad ka ophis jong ka District Social Welfare Officer West Jaiñtia Hills, ka la pynlong ia ka awareness program ba shisngi halor ka phang ban iada ia ki Kynthei na ka jingshah lehbein lane Prevention of Women from Domestic Violence. Ia kane ka prokram la pynlong ha ka Shnong Lumtrep Nongjngi ha ka 30 tarik u Kyllalyngkot 2024.
Ha kane ka prokram la iashim bynta da ki 63 ngut ki longkmie kynthup katto katne ki longkpa kiba na katei ka shnong. Ia ka prokram la pyniaid ka u Field Program Associate ka JHDS u Ma Francis Langlein ha ka jingiadonlang u Coordinator ka JHDS u Bah Denis Kurkalang bad kiwei de ki ophisar sorkar.
La ioh ia ki jingai jingkren bad jingpynshai halor katei ka phang na ki katto katne ki Ophisar jong ka tnat sorkar bapher bapher kiba kynthup ia u Coordinator ka JHDS u Bah Denis Kurkalang, u District Child Protection Officer u Ma. S. Passah, ka Center Manager cum Protection Officer jong ka One-stop Center ka kong Lucy Ksoo, u Officer in-charge Nartiang Police Station u Ma. D. Lamare, ka Officer in-charge jong ka Women Police Station Jowai ka Kong Ibashisha Kharpran bad ka kong D. Suchiang, Advocate District Legal Service Authority, kiba la batai shai halor ki lad ki lynti ban khanglad ia ka jingkynrei ki kam sniew bad ruh ia ki lad ki lynti ba lah ban ioh jingiarap na kitei ki Ophis sorkar ba la kdew haneng.
Haba kut jong katei ka prokram la don ruh ka jingialehkai drama lyngkot halor katei ka phang ia kaba la shimbynta da ki Intern student ka Martin Luther Christian University.