Ka Sohkha Govt. Higher Sec. School, Sohkha bad ka Thomas Jones Synod College, Jowai kin ioh ban mihkhmat ia ka West Jaiñtia Hills District sha ka jingiakop Quiz Competition sha ka State Level hadien ba ki la long ki lahduh ha ka jingiakop kaba la long mynta ka sngi ha nongbah Jowai.
Ka Office jong u Deputy Commissioner, West Jaiñtia Hills District, Jowai kum shi bynta na ka jingrakhe ia ka International Water Conclave 2024, ka la pynlong ia ka jingiakop District level Quiz bad Painting competition mynta ka sngi (3rd February, 2024) ha Conference Hall, DC office, Jowai
Ha ka jingiakop Quiz kila don 6 tylli ki kynhun kiba la wan ban iashim bynta kiba kynthup ia ka Sohkha Govt. Higher Secondary School, Sohkha, Thomas Jones Synod College, Jowai, Kiang Nangbah Govt. College, Jowai, ar kynhun na ka Bharat Scouts and Guides.
Ha ka jingiakop dro (Painting) pat la wan ban iashim bynta 28 ngut.
Ki ar tylli ki kynhun kiba la poi sha ka jingjop ha ka jingiakop Quiz ki kynthup ia ka Sohkha Governent Higher Secondary School, Sohkha, ba la mihkhmat da u Gorge Donkupar Gassah bad u Nangkhraw Kitbor Khonglah. Ka Thomas Jones Synod College, Jowai kaba la mihkhmat da u Mutbha Lapasam bad u Quikly Pala.
I kong B. Blah, Additional Deputy Commissioner, West Jaiñtia Hills District iba long kum i Kongsan haba kren sha ki nongiashim bynta ila ong ba kane ka jingiashim bynta kam long eh tang ka bynta ban rakhe ia ka International Water conclave 2024, hynrei ka dei ruh ka bynta ba kongsan ban tip kumno ban iada bad pynneh pynsah ia ka um.
Kala iathuh ba na ka bynta ka jingiakop dro dur (Painting) yn sap hah ia ki jingdro baroh sha Shillong na ka bynta ban ioh jurip da ki Judge bad ha dien kata yn sa pyntip pat ia ki nongjop.
Ka la ong shuh ba ki kynhun kiba jop napoh ka District kin ioh ban leit mihkhmat ia ka District sha ka State Level.
