Ka kong Aihun L.Tron, ka la dei ka riew kynthei kaba nyngkong eh ban kiew ia u Lum Bahbo Bahkong ba don ha ki thaiñ Narpuh katkum ka jinglum thup da ka tnad Narpuh Wildlife Sanctuary.
Ka kong Aihun ba ju khot ieit ka kong Hun, ka trei kum ka nongthoh khubor jong u Mawphor bad Highland Post ha East Jaiñtia Hills District bad ka don ia ka ophis treikam hapoh nongbah Khliehriat. Ka kong Hun kaba la ioh ïa ka jingpynkup burom na ka Sonapyrdi Tourism and Economic Development Society namar ka jingleit ia shim bynta jong ha ka jingiaid kjat kaba lai sngi lynter lem bad ki dkhot jong ka STEDS bad kiwei kiwei ki kynhun da kaba rung ïa ka khlaw Narpuh Wildlife Sanctuary haduh ban da poi ha u Lum Bahbo Bahkong.
Kane ka jingiaid lynti kala shimpor haduh la sngi lynter kata naduh ka 23, 24 bad 25 tarik jong u Naiwieng 2023. Katkum ka jinglum thup ne ka record ba la lum da ka tnat Wildlife la ong ba i kong Aihun i dei i kynthei ba nyngkong eh ban rung shapoh kane ka khlaw Narpuh Wildlife Sanctuary bad poi shaduh kliar jong u Lum Bahbo Bahkong.
Ïa ka syrnot la aiti da u kongsan jong ka tamasa Lukha Festival, u bah Charles Marngar uba dei u MLA Mawhati hyninn ka sngi.