Ka Parish Mowkyndeng, West Jaiñtia Hills District ha kane ka sngi U Blei ka la ioh biang ban pyn kyntang sa uwei u Lyngdoh Sohblei uba long ruh uba 8 ha kane ka Parish, ia uba la tip kyrteng kum u Lyngdoh Dn. Kitboklang Tyngkan uba naka shnong Mookyndeng.
La pynkyntang Lyngdoh ia u Dn. Kitboklang Tyngkan da u Bishop ka Jowai Diocese, u Fr. Ferdinand Dkhar ha ka jingiadonlang u Salesian Province Shillong, u Fr. Paul Orphindro Lyngkot, ki Lyngdoh thymmai kiba la dep ban pynkyntang ha Shillong Archdiocese bad kiwei de.
Na ka liang u Bishop Fr. Ferdinand Dkhar haba ai jingkren u la pynkynmaw ia ka jingdonkam ba khraw tam ban don u Lyngdoh Sohblei haka niam Catholic. U la ong ruh ba u Lyngdoh u dei u briew u ban shakri ia ki kam jong ka niam, kumta shisien ba la shimti ia kane ka kam un pyndep ia ka kamram lyngdoh kat kum ba la bynshet ha u.
Kum ban shu pynkynmaw ba u Kitboklang Tyngkan u la juh leit pule ha St. Francis Mowkyndeng ha u snem 1997 nangta u la pule ruh ha St. Dominic Higher Secondary School Mowkyndeng. Hadien ka Class-X u laleit pat ha Bosco Mount Rongkhon, Tura na ka bynta ban pyndep ia ka Class XI-XII. Hadien kane pat u la leit sha Mariamnagar, Agartala na ka bynta ka Pre-Novitiate.
Katba ia ka Practical Training kaba ar snem u la ioh ban pyndep ha u snem 2018-2020 ha Salesian College of Higher Education Dimapur, Nagaland.
Hadien ka Practical Training u la leit pule ruh ia ka Bachelor of Theology ha Secret Heart Theological College Mawlai, Shillong bad la pynkyntang Deacon ia u haka 01-07-2023 ha Secret Heart Shrine Secret Heart Theological College Mawlai, Shillong.
