Hadien ba ka jingai jinghikai shna synshar ïa kiba duna ki khmat (visually impaired) ha ka shnong Moosakhia ha u snem bala lah, kane ka pynshlur ia ka Society for Urban and Rural Empowerment (SURE) ba kan nang iaid shakhmat ha kane ka kam.
Kawei na kiba ïoh ïa kane ka jinghikai ha ka training kaba la pynlong ha u snem ba la lah, ka Durka Sari na ka shnong Mukhla kala lah ban pynmih shibun ki synsar ïa kiba ka la ïoh die. Kumjuh ruh uwei pat uba la ïoh training u Krishna Phawa ba na ka shnong Mihmyntdu, ruh ula shna synsar bad leit die sha Jowai bad Shillong wat hapdeng ka jingbym lah ïohi ruh.
Kane kala pynshlur ia ka SURE ban pynlong sa kawei ka training shna synshar na ka bynta ka kynhun jong kiwei pat ki briew ki bym lah ïohi. Ha kane ka kynti ïa kane ka training na ka bynta kiba matlah la pynlong ka ha Dorbar Hall ka dong Lumbhahdakha hapoh ka ka shnong Wahaiajer ha kaba shiphew ngut ki nongshah hikai kila wan ban shim jinghikai.
Ïa kane ka training la bei pisa da ka office jong ka District Social Welfare Department, Jowai. la ai ia ka training da u ma Kelvin Suting uba long u State Award Winning Master Craftsman uba ïalade ruh u long u bym lah ban ïohi.
Ia ka training mynta ka sngi la plied a u bah F.B. Basan MCS, ADC bad Project Director District Rural Development Agency (DRDA) ha ka jingïadonlang ki Rangbah Dong jong ka dong Lumbhahdakha. Haba kren kum u kongsan jong ka jingialang u bah Basan ula kyntu ia ki nongiohtraining ba kin shimkhia ia ka training bad ban trei ia ka kam kaba ki la ioh jinghikai.
Haka jingkren lamkhmat ka kong Niwanka Shylla kaba long ka Project Coordinator jong ka SURE kala batai shaphang ka jingtreikam jong ka seng bad hadien pat ka ioh ia ka jingkren na i kong Ilasiewdor Gashanga kaba la batai shaphang ki Skill Training kiba la leh da ka SURE kaba long ka Training Provider jong ka Meghalaya State Skilll Development Society (MSSDS).
U ma Heipor Laloo uba long kum u Supervisor District Social Welfare Department ula ong ba ka ophis jong ki ka dei kaba dei peit ia ki briew kiba don ha ka jingduna bad naka liang ka ophis ka sngewkmen ba SURE ka lah ban pyntreikam ia kane ka training. Ha kane ka sngi la ioh ruh iaka jingkren na u Chairman Dong Lumbhahdakha u ma Salonmiki Dhar uba la ong ba ka dong ka sngewkmen ban pdiang ia kane ka training. U ma Lambor Suchen uba long u District Skill Officer ula kren shaphang ki skil training kiba la pyntreikam ha ka District.
Kane ka training ka dei kaba ki nongshah training ki hap ban sah ha ka jaka training bad ka training kan long na ka bynta 15 sngi.
