Ka seng FKJGP-Khliehriat Circle hapoh ka jingialam u President u bah Michal Chyrmang ryngkat ka jingdon lang ka FKJGP-Jaintia Zone bad Ialam da u bah Marhok kynti Marboh Vice President bad ka FKJGP-East Jaiñtia hills mynta ka sngi ki la wan ban khynra trading Licence, labour Licence ha ki thaiñ Ladrymbai bad Dkhiah West.
Na ka liang ka seng na ka por sha ka por ka ladep buh jingthoh sha ka JHADC ban khynra trading Licence ia ki bar jylla hapoh East Jaiñtia namarba kadei ka kamram jong ka council ban leh hynrei ka council kam juh leh eiei dei halor ka jingbymleh ka council ba ka seng kam bamse ban leh hi. Haka jingkynra jong ka seng mynta ka sngi la iohi shibun ki bar jylla kiba don trading Licence hynrei kham bun hi naki dukan kim don pat iaka Labour Licence haba iadei bad ki teer counter pat kiba bun kidon iaki Licence na kaliang ka seng ka ong baia kito ki dukan ki bym biang ki kot ki sla ka seng kala aipor hapoh artaiew ban pynbiang bad hadien ka artaiew ka seng kan sa wan khynra biang bad lada ka seng ka lap biang ba kim biang ka seng kan sa leh ia kaba donkam.
Ka ba pynsngewsih bad sngewkhia iaka seng la shem ruh baka council ka ai licence pathar iaki barjylla khlem da pyrkhat iaki trai jylla bad haka jingpeit jong ka seng lada wan da mano mano ruh, tip na Pakistan ne na bangladesh, ka JHADC ka ai thurmur beit iaki Licence khaïi. Kane ka jingleh ka JHADC lah ban ong baka pynkheiñ iaki kyndon ka council hi namarba katkum ka ain section 10(2)(iv) jong ka United Khasi Jaintia Hills District (trading by non-tribals) Regulations,1954 ka khanglad ban ai trading Licence iaki barjylla lada don ki trai Ri trai muluk kiba lah ban trei iaka juh ka kam katkum katei ka aiñ ka JHADC kam lah ban ai Licence khaïi sha u bar jylla.
Khadduh ka seng ka ai khublei ia ka police Department, ki Media ki ba iadonlang bad ha katei ka jingkhynra bad khamtam ia ki Dorbar Shnong Ladrymbai kiba ai ka jing iatreilang bad seng ha katei ka sngi.
