U Lat jong ka Jylla u Phagu Chauhan mynta ka sngi u la pynbam smai ia u Justice S. Vaidyanathan ban shimti ia ka kam kum u Chief Justice ba thymmai jong ka Meghalaya High Court.
Ia kane ka prokram pynbam smai la pynlong ha Durbar Hall jong ka Raj Bhavan Shillong.
Kum ban shu pynkynmaw ba ka Supreme Court jong ka ri India naduh ka 1 tarik Naiwieng 2023 ka buh jingmut ban thung ia u Justice Vaidyanathan ban shimti ia ka kam Chief Justice jong ka Meghalaya High Court, ha ka jaka jong u Chief Justice barim u Sanjib Banerjee uba la shong thait naduh u Naiwieng mynshem snem.
U Justice Vaidyanathan ula ju bat kum Judge jong ka Madras High Court naduh u bnai Risaw, 2013.
