Ka Indian Army kala pyntip ba ka khot application lyngba ka online na ka bynta ki samla jong baroh ki District ka jylla Meghalaya ban rung sha ka kam shipai (Agniveer) hapoh ka skhim ba kyrpang jong ka sorkar India ia kaba la tip kum ka Agnipath.
Ka jingplie ia ka online ban rejister ha kane ka skhim la plie naduh ka taiew kaba nyngkong jong une u bnai (Rymphang) 2024.
Ka jingjied ia ki nongapplai kan long ha ki ar tylli ki bynta, kawei ka long da ka Online Computer Based Written Examination (Online CEE), ha ki centre ban sa buh hapoh ka jylla.
Ka bynta ka ba ar pat yn pynlong da ka Recruitment Rally na ka bynta kito kiba la pass ia ka online Examination.
Ki samla wad kam ki lah ban rejister lyngba ka online ha ka website www.joinindianarmy.nic.in, ki samla ki lah ruh ban ioh ia ki jingtip ba bniah da kaba leit ha kane ka website.
Kino kino kiba jingiarap ki lah ban phone ha ka helpline number jong ka Army Recruitment Office Shillong ka long 0364-2504177, lane email: rohqshillong@gmail.com.