Ka KSU ka pynpaw ka jingkhublei bad iaroh ia ka MLA ka 5 Sutnga Saipung Constituency halor ka jingwanrah ka jong ka iaka mat haba iadei bad ka Industrial Training Institute Khliehriat Branch ha iing Dorbar Thaw aiñ ka jylla. Kum ban shu pynkynmaw ba ka seng ka la ioh ban buh ia kane ka mat jingdawa ha khmat u DC ha ka 9 tarik u Jylliew 2023 bad la ai kopi ruh sha baroh ar ngut ki MLA ka thaiñ ban rah bad pynurlong ia kane ka mat.
Na ka liang u DC u la kyrpad ruh sha ka seng ban ai lane identify ia ki course kiba ki khynnah samla ka thaiñ ki lah ban ioh jinghikai bad ban trei bad ka seng ka la pyrshang ban ithuh bad ai jingmut ia kumba 19 tylli ki courses ha kane ka shlem bad kita ki long naduh ka kam Stenographer, plumber, welder, fitter, wireman, electrician, fruit and vegetables processing, mechanic motor vehicle, draughtman Civil, System Maintenance, Carpentry, Digital Photography, Baker and Confectionery, masonry bad kumta ter ter.
Ka seng ka ai khublei ruh iaka sorkar kaba la shim ia ka sienjam bad kaba lah iohsngew ia ka jingud u paidbah. Ka seng ka khmih lynti ba lyngba kane ka shlem ai jinghikai ka ioh ka ka kot ki samla ka thaiñ kan long kaba biang bad ruh kyrmen ba ki nongmihkhmat ki jong ka thaiñ kin dang ia pynsngew ia ki mat ba ktah ia ka thaiñ East Jaiñtia Hills District hi baroh kawei bad ka seng hi kan treilang bad no bad no na bynta ka jingmyntoi u paidbah. Ka seng lyngba kane ka kyrwoh ka kyntu iaki samla ka thaiñ ba kin pynkhreh ialade ban pynrung ialade ha kane ka shlem ai jinghikai khnang ba kan nym long kaba sepei bad ba kin trei minot ha kano kano ka bynta ba ki ioh jinghikai lyngba kane ka ITI.