Ka Social and Economic Life Development Committee (SELD) jong ka Mowkaiaw Presbytery, kala ioh ban pynlong ia ka awareness program halor ka phang ‘Violence Against Women’ ha ka shnong Khatkasla West Jaiñtia Hills myn ha kane ka 21/2/2024.
Ha kane ka sngi la ioh ia ka jingpynshai bad ka jingai mynsiem ia ki kynthei ba shah thombor (Abuse)
lyngba ka jingai jingkren na ki Resource Person ba kynthup ia i kong R. Passah, DSWO, WJH, ma S. Ksoo, Lawyer OneStop, i kong L. Ksoo, OneStop Centre Manager bad na u bah F. Hujon, (Finance Empowerment for Women through S H.G).
I kong R. Passah ila mait phang halor ki skhim ba pher na ka bynta ki kynthei ha ka imlang ka sahlang. Ha ryngkat ki jingkyntu ban wan sha khmat lada ki shah thombor hano hano ka rukom, na ka bynta ban dawa ia ka hok jong ki.
U ma S. Ksoo kum u pleader/Lawyer u la mait phang halor ki hok jong ki kynthei katkum ki aiñ jong ka sorkar lada shah thombor.
I kong L. Ksoo i la mait phang holor ki lad jingiarap ba ka ONE STOP ka iada bad ka ai na ka bynta ki kynthei ba shah thombor.
I bah F. Hujon pat i la mait phang halor ki jingiarap ia ki kynthei ba shah thombor ba ki lah ban ioh ki lad jingiap lyngba ki S.H.G kiba don ha la ki jong ki jong ki shnong khamtam ia kito ki kynthei kiba lehraiñ ban tip paidbah shaphang ka jingshah thombor ia ki.
Ha kane ka sngi la pynlong ruh ia ka prokram jingmareh thong ia ki kynthei da kaba teh khmat (Blindfold) bad la ai ia ki khusnam sha ki nongjop.