Ka Jaiñtia Women Awakening Movement (JWAM) Sengkmie kala ïoh lad ban pynlong ïaka ïakop shad lane ka Dancing Competition kaba shisngi ïaka ba la pynlong ha District Library Mynthong Jowai haka 24.2.2024, ïa kaba la pynlong naduh ka por 10 baje mynstep bad pynkut haka por 5 baje janmiet.
U Bah, Niman N Shadap u Director jong ka Khasi Indigenous Foundation ka Foundation kaba la ïoh ïaka jingithuh naka sorkar pdeng u long kum u Kongsan. Ïaka jingïalang la pynïaid da u bah Chandame Sungoh uba long u Advisers jong ka seng. La ïoh ruh ïaka jingkren na ka Kong Ribiangki Siangshai, u bah B. Samaiang, Chairman Jaiñtia Careers Coaching Center bad na u Kongsan.
Ki nongkren ki pynpaw ka jingïaroh ïa kane ka seng namar ka jinglah jong ki ban pynlong ïa kane ka prokram, bad ki kyntu ruh ïaki khun khynnah samla ka ri Jaiñtia kiba don ka sap shad ba ki dei ban trei shitom khnang ba kilah ban kiew shaphrang bad ban shim baka kam shad ka dei kawei na ki lad kamai jakpoh bad ki kyntu ruh ïa ka Sorkar ba ka dei ban thaw ïa ki jaka ne ki shlem hikai shad khnang ba ki khynnah samla kiba don ïa kane ka sap kin ïoh ban pyntbit shuh shuh ïaka sap jong ki.
Ki nongïashim bynta bad ki nongpeit nongsakhi kim donkam ban siew bairung lane Entry Fee bad ki don haduh 20 ngut ki nongïashim bynta ha kane ka prokram kiba la wan na kylleng ka ri Jaiñtia ki nongshah khot sngewbha bad ki nongwan peit wan sakhi.
Na ka bynta ki nongjop ba wan haka kyrdan ba nyngkong dei i Miss, Man-iwa pyntngen Sana, i la ïoh ïaka song pisa Rs. 10,000 tyngka bad ka syrnod, ka kyrdan ba ar Miss, Dariïung Dkhar ka la ïoh ïa ka song pisa Rs. 7000 tyngka bad ka syrnod, balai Mr, Riata M Langdoh ula ïoh ïaka song pisa Rs. 5000 tyngka bad lai tylli ki consolations prizes la ïoh da Miss. Nakita Shylla, Miss. Ranika Dkhar bad i Miss. Hanlada bad Jazzmine Langdoh da ka pisa Rs. 2000 marwei bad ki syrnod.
Ïa ki khusnam sha ki nongjop la sam da i President jong ka seng i kong R. Shylla, kong N. Sana, bah J. Phawa President AHPUF. Kane ka long katkum ka khubor na ka kong A. Dkhar Secretary bad ka kong R . Shylla President.