Katkum ka khubor ba la pyllait da ka ophis jong ka Deputy Commisioner (Excise), East Khasi Hills District, la iathuh ba ka tnat ka dang bteng ban pynlong ia ka jingkhynra ia ki dukan die kyiad beaiñ, da kaba pynlong ia ka jingkhynra kynsan ia ki Restaurant bad ki Stall kiba don hapoh ka nongbah Shillong bad ki shnong ba markhap ha u bnai Nohprah, 2023.
Ha kane ka jingkhynra ka kynhun ki nongtrei jong ka tnad Excise ki la ioh ban kurup 12 tylli ki synduk kyiad kiba don 262.300 liter ka kyiad pyrsi bad 6.240 litres ki kiad phareng (IMFL). Ha kane ka jingkhynra, la ioh ruh ban kem 8 ngut ki briew bad la pynngat kyndon ia ki hapoh ka Excise Act.