Ka Hynñiewtrep Youth Council (HYC) Laskeiñ Block Circle hapoh ka jingïalam u Vice President samla Ioowanlam Sayoo ryngkat bad u Secretary samla Shadapstar Hadem, kila ïoh ban leit ïa kynduh bad u Executive Engineer PWD Road Shangpung Division, halor ka jingpynslem ban pyntrei ïaka surok Laskeiñ sha Barato bad Raliang shaduh Sahsniang.
Na ka liang ka Seng ha ka jingïakren bad utei u sahep (E.E) ula pynshai ba mynta ka sah sa tang ban pyntrei da ki Contractor kiba dei ban trei ïa ka kam, namar na ka liang ka ophis kala dep ban pynbiang ia ki jingdonkam baroh.
Ka seng ka kyntu bad kyrpad jur ïa kitei ki Contractors ban pyntrei kloi kloi ïa katei ka surok, namar kumba long mynta ki paidbah kiba dei ïaid lyngba kane ka surok ki shem shitom haduh katta katta namar ka jingsniew palat kane ka surok khamtam la jan dei ka por lyiur. Pynkut ka kyrwoh na u Publicity samla Moredan Ryngki.