U Myntri jong ka Social Welfare ba dei ruh u MLA ka 6-Khliehriat Assembly Constituency, u ma Kyrmen Shylla mynta ka sngi u la plie pyrda ia ka Building thymmai jong ka Rymbai Government Secondary School, Rymbai ha ka jingdonlang u MDC ka thaiñ u ma F. Bareh, u Deputy Commissioner, East Jaintia Hills District, u A. Baranwal, Additional Deputy Commissioner, East Jaintia Hills District, ka kong J. U Kharpuri, Joint Director of School Education and Literacy, Government of Meghalaya, bah L.S Lyngdoh, In Charge District School Education Officer, East Jaintia Hills District, kong P. Dkhar, bad kiwei de ki sahep sorkar ryngkat ki Waheh Shnong, ki nonghikai bad ki khynnah skul.
Ka In charge Head Mistress jong kane ka skul ka kong Y. Lamae kala pule ia ka History jong kane ka skul naduh ba la seng nongrim ia ka ha u snem 1960 haduh mynta mynne. Na ka liang ki bor pyniaid skul kila aiti ruh ia ka Memorandum ha u Myntri ha ryngkat ka jingkyrpad ban kyntiew kyrdan ia ka skul sha ka Higher Secondary level, ban pynshna ia ka Hall bad kumjuh ia ka madan ialehkai Basketball jong ka skul.
