Kum shi bynta ban pyndep ia ki kam ba sahteng jong ka seng JFEPA kiba lah slem bha na ka bynta ban wanrah ia ka jingsuk ia ki nongkhwai dohkha, ki trai hali kba, kiba ujor na ka por sha ka por ban pynitynnat bad ban pynlong ia ka bynta jong ka Wah Myntdu ha ‘Ram pyrthai’ ka jaka ka ban pynsuk ia ki nongkhwai naduh hynnin ka sngi ha ka por mynstep ka seng ka la pyrshang ban wanrah da ka JCB ban sei noh ia ki lyngkhot jong ka lieng jong ka PHE kaba ju pyndonkam ban ring umkor, kaba la shah rong noh ha ka umsaw bad sah kut hapoh kane ka thwei mynta la 39 snem ei ei.
Kane ka jingpyrshang jong ka seng ka long hadien ba kila ioh jingbit na ka PHE Dept jong ka office u Executive Engineer PHE Electrical Division bad ruh ka jingkyrpad jong ki trai hali na ka por sha ka por bad kumjuh ruh ia ka jinglehbha jong u Kenny George Massar u side engineer u ba trei ia kine ki setu dam ki ba don ha baroh ki liar kiba tuid sha ka wah Myntdu lyngba ka bor jong ka NGT.
Na ka liang jong u President bad u Secy jong ka seng JF&EPA ki buh ka jingkyrpat ia ki paidbah ban ia iatreilang bad ka seng jong ki na ka bynta ka bha ka miat jong ki doh um doh wah, kiba don ha ka wah Myntdu baroh ka wei khnang ba kan wanrah ia ka jingsngewtynnad ia ki paidbah jong ka shnong Jowai.
