U Myntri Rangbahduh ka ri u Narendra Modi ula buh lem ha ka jingduwai, na ka bynta jong ka Myntri Rangbah ka West Bengal ka Mamata Banerjee kaba la mynsaw na ka jingur jong ka ha ka ïing sah jong ka hi, ba kan ioh ia ka jingkoit kloi na kane ka jingmynsaw.
Hadien ka jingur kaba la wanrah ia ka jingmynsaw ha ki bynta jong ka shyllangmat la leit rah ia ka Mamata sha SSKM Hospital ha Kolkata bad hadien ba la dep ban sumar ia ki bynta ba ka la mynsaw la leit ialam ia ka sa sha Bangur Institute of Neurosciences ha IPGME&R na ka bynta ka jingjurip bniah shuh shuh.
Hadien ka jingpyndep ia ki jingsumar la leit ban ialam noh ia ka Mamata sha la ïing sah jong ka da kiba ha ïing ha sem.
