Ki ar tylli ki sengbhalang jong ka thaiñ kiba kynthup ia ka Jaintia Youth Federation (JYF) Ladrymbai Unit bad ka East Jaintia Youth Movement (EJYM) Central Body, mynta ka sngi kila leit ban ia kynduh bad ki bor pyniaid jong ka State Bank of India (SBI) Ladrymbai na ka bynta ban dawa na ka tei ka Bank ban buh noh ia ka ATM ha Ladrymbai Dongwah.
Ia kane ka kam la hap ban bud dien da kine ki sengbhalang namar ka jingujor jong ki paidbah ha ka jingiadei bad ki jingeh ba ki paidbah ki ia kynduh ha kaba iadei bad ka pisa pilaiñ. Kumba long mynta ka SBI Ladrymbai da dang don tang kawei ka ATM ha syndah Office jong ka. Tang kane kawei ka machine ka long ka ba eh shibun ia ki paidbah ban ioh shim pisa ha ka por ba kyrkieh.
Kumta ki nongialam jong kitei ki seng ba kynthup ia u Rilum Dkhar President ka EJYM Central Body bad u Thimothy Pala President Ladrymbai Unit mynta ka sngi kila leit ban ia kynduh ia u Branch Manager ka SBI Ladrymbai bad kila dawa ba kane ka Bank ka dei ban buh sa ka wei ka ATM ha Ladrymbai Dongwah hapoh 3 bnai khnang ba kan pynsuk ia ki paidbah.