Na ka bynta ban wanrah ia ka jingiaid beit iaid ryntih ka jingpynkhreh ia ka elekshon Lok Sabha, 2024 hapoh ka 1-Shillong Parliamentary Constituency na ka liang jong I Returning Officer 1-Shillong Parliamentary Constituency Chairman Media Certification and Monitoring Committee, Shillong ila ai ka jingbthah sha ki lad pathai khubor ba hashwa ba kin pynmih ia kino kino ki Advertisement, ki appeal, ki jingrwai, ki audio & Visual Clipping, ka jingsam ia ki lama, Signboard, ki flex, Poster bad kiwei de ki jait jingpynbna paidbah ki dei ban da ioh shwa ia ka Certificate na ka Media Certification and Monitoring Committee kaba don ha ophis I Returning Officer, 1-Shillong Parliamentary Constituency.
La khang ruh ia ki lad pathai khubor kum Print, Electronic, TV, Radio bad kiwei ba kim dei satia ban pynmih ia kino kino ki khubor ba shah liang ia kino kino ki Kyrtong ne ia kano kano ka Party namar kane ka pynkheiñ ia ki kyndon jong ka Model Code of Conduct. Lada lap ia kum kine ki jingpynkheiñ kyndon kin ngat ha ka jingpynshitom jong ka aiñ.