Ka tnad triekam jong ka District Commerce and Industries Centre Jowai, ha ka 20 tarik u Lber, ka la pynkup burom ia ki 25 ngut ki ba la pyndep ia ka jingshah hikai ban shna ia ki jingshna bapher bapher kum ki Jewellery products bad ki Utility products, da kaba pyndon kam da ki siej.
Kane ka jingai jinghikai ka la iaid 25 sngi lynter ha ka shnong Sohkha Mission bad ia ka jinghikai la wan ai da ki Master Craftsmen jong ka Neera Foundation. la kitei ki 25 ngut kiba lah pyndep ia ka jingshah hikai lah pynkup burom da u Kongsan u Shri. M.L Wanshnong, Joint Director, Directorate of Commerce and Industries, ha ryngkat ka jingdon u Shri. S Majaw Retired General Manager, Smt. Neera Sarmah, Director, Neera Foundation, Smt. S. E Kharpran, Functional Manager DCIC Jowai, Shri. S. Pale, Industrial Promotion Officer DCIC Jowai, Shri. P. Suchen, Rangbah Shnong, Shri. M. Manner, Secretary Shnong lem bad kiwei.
U kongsan, ha ka jingkren jong u, u lah iaroh ia ki nongshah hikai ba ki la la pyndon kam hok ia la ka sap lyngba ka jingshah hikai jong ki, u la kyntu ia ki ba ki dei ban pyndonkam hok ia ki jinghikai ba ki lah ioh bad ban pynjanai shuh shuh ia ka kam bad ki jingshna jongki.
Ha kane ka jingialang la ioh ruh ia ki jingkren na u Shri P. Suchen, Smt. Neera Sarmah bad Smt. S. E Kharpran, kumjuh ruh na ki ar ngut ki nong shah hikai kiba la pynsngew ia ka jingmyntoi ba ki ioh ha kine ki 25 sngi jong ka jingshah hikai jong ki.
