U Chief Electoral Officer (CEO) jong ka jylla Meghalaya, u Dr B.D.R. Tiwari, IAS ha ka 28 tarik ula lum ia ka jingialang lyngba ka video conferencing ia ki Nodal Officer jong ka tnat Police, Income Tax, RBI, SLBC, AAI, BCAS, State Civil Aviation, Enforcement Directorate, Department of Posts, CISF, State Excise, RPF, NCB, DRI, CGST, SCGST, State Transport Department, CRPF, Forest Department bad BSF na ka bynta ban ioh jingtip kaba bniah halor ka jingiaid beit iaid ryntih ka jingpynkhreh ia ka elekshon Lok Sabha ha kane ka kynti.
Ha kane ka jingialang u CEO ula pan lut ia baroh ki jinglum jingtip na ki tnat ka sorkar pdeng bad ka sorkar jylla, halor ka jingiohkurup jong ki ia ka pisa, ka kyiad, u Drugs bad kiwei kiwei kiba iadei ba ka jingpynkheiñ ia ka Model Code of Conduct hapoh ka jylla.
Na ka liang ki bor pyniaid District bapher bapher kila pyntip sha u CEO ba kila dep ban buh ia ki Flying Squads bad ka Statics Surveillance Teams na ka bynta ban teh lakam ia ki kam kiba pynwit pynthud ia ka elekshon khnang ban wanrah ia ka elekshon Lok Sabha kaba iaid beit iaid ryntih.
Khadduh eh u CEO ula ban jur ia ka jingiatrei jong ki tnat sorkar bapher bapher ban trei shitom ha baroh ki liang bad ruh ban peit bha ruh ia ka rukom pynlut pynsep ha kane ka elekshon.
