Ha ka thong ban ioh ki khun samla kynthei ka shnong ka thaw, ka ri bad ka jaitbynriew ia ka lawei ba phyrnai ki dkhot ka Rotaract Club of Pine City Shillongkum ka jingsdang mynta ka sngi 27 tarik Naiwieng ki la hiar sha shnong Chyrmang, Thadlaskein Block West Jaintia Hills District ban pynlong ia ka prokram ai jinghikai pynnsngewthuh kyrpang ia ki longkmie bad ki khun samla kynthei ka shnong shaphang ka “Menstrual Health”.
Ha kane ka sngi shwa ban ioh ki jingkren jingbatai na ki riew shemphang kiba la wan na ka tnat jong ka koit ka khiah kat kum ka dustur jong ka Rotary Club ladon shwa ka jingrwai ia ka National Anthem jong ka Ri bad pynbud pat ki kyntienpdiang na u Sholin Shylla, Rangbah Shnong Chyrmang Wah katba u Skemjingmut Law, Adviser RAC Pine City Shillong u la pashat ki kyntien maitphang shaphang ka Seng Rotaract Club of Pine City, Shillong.
Ki riewshemphang kiba la wan ban ai jingkren jingbatai ha kane ka sngi ki kynthup ia u Dr. S. Nartiang, In charge Iooksi, PHC, Laskein Block u ba la kren bad batai halor ka phang ‘Menstrual Health’ bad ka Samla Jane Rymbai, Adolescence Counsellor Civil Hospital Ialong kaba la kren halor ka phang ‘Teenager Pregnancy’ bad kumjuh ruh la ioh ki kyntien ai mynsiemia ki longkmie bad ki samla na u C.A. Ram Kyndiah, Secretary RAC of Pine City Shillong.
Shuh shuh ha kane ka sngi ladon ruh ka Free Eye Check-up ba la pynkhreh da ka jingiatreilang hapdeng ka Rotaract Club of Pine City Shillong ryngkat ka Bansara Eye Care ba la mihkhmat da ka Rishai Sutnga, Optometrist Bansara Eye Care bad ruh ka jingsamia ki Sanitary Padsha ki longkmie bad khun samla kynthei ba wan iashim bynta ha kane ka prokram.
