Ka Office jong u Sub-Divisional Officer (Election), Amlarem Sub-Division, Amlarem kum shibynta ban leh ia ka Systematic Voter’s Education & Electoral Participation programme, mynta ka sngi ka 12 tarik April 2024 ka la pyllong ia ka ‘Vote for Democracy’ Expo 2024, ha Thangbuli Community Hall naduh ka por 10 baje mynstep. Ha kaba la don ruh ka Craft fair, ka Singing competition, ka General Quiz, ka Karaoke Open to all bad ka live performance na ki District Icon “Chi-iung”.
Ia kane ka program la pyniaid da U Gameliel L.C. Mylliem, Asstt Commissioner, Amlarem Civil Sub-Division, Amlarem bad u la ai ka jingkren pdiang sngewbha ia baroh kiba ia donlang ha kane ka sngi.
Ia ka jingkren lyngkot shaphang ka Apps jong ka Election Commission of India (ECI) la ai da i F.M. War, ASE bad na u Village Icon.
U kongsan ha ka ne ka sngi u dei u Dr. Abhishek Saini, IAS, Sub-Divisional Officer, Amlarem Civil Sub-Division, Amlarem.
Ha dien ka jingkren u kongsan la pyniaid ia ka programme da u R.E. Laloo, ha kaba la iashim bynta da ki nongshong shnong ha ki program bapher bapher kum ka singing competition, general Quiz bad kiwei kiwei. Ha kaba la sam ruh ia ki prize sha ki nongjop.
Ha ka singing competition la wan nyngkong da u Sardis Dkhar, ba-ar u Daman Chynman Suting bad ba-lai u Garry Ackerman Khonglah. Ha ka skill Exhibition la wan nyngkong da u Teibor Pohsngap na ka shnong Padu, ba-ar u Kelvin Suting na ka shnong Moosakhia, bad ba wan ba-lai u Bran Lyngdoh na ka shnong Madantyrpait.
Ha kaba kut jong ka program, ka District Icon “Chi-Iung” ka la pyni ia ka jingialehkai ha ka jingiadei bad ka Ethical Voting.