Ka Federation of Khasi Jaintia and Garo People (FKJGP) Thadlaskein Circle ha ka Jingialam jong u ma Rustom Rymbai bad u Ialam Pariat ha ka 25/11/2021 kila noh synñiang da ki tin sop ïing bad marbam sha ka long ïing ba pluh ding myn ha ka 21/11/2021 bad kaba la duh ruh ia 2 ngut ki mynsiem kaba la jia ha shnong Ummulong, West Jaintia Hills.
Na ka liang ka seng ka pynpaw ia ka Jingsngewsih kaba khraw halor kane ka jingjia ba sngewsih bad ka la pynpaw ka jingsngewlem sha ki kmie ki kpa jong ki khyllung kiba lah duh noh ia ka mynsiem ba kordor.
Bad na ka liang ka seng ka kyntu ruh ia ki paradoh para snam ba kin synñiang lem ia kane ka long ing ha kine ki sngi ban wan.