Ka lympung ba 34 ka Sengkhihlang kala poi sha kaba kut ha ka sngi 21/04/2024 ha ka Seiñ Raij Wahiajer (Raij Ialong), ïa kane ka Lympung la pynlong ha ki 3 sngi lynter naduh ka 19 haduh 21 tarik mynta u bnai.
Ha ka 19/04/2023 ki khun ka bri u hynñiewtrep hynñiew skum ki la tuid paidbah sha kane ka lympung da ki lak ngut ban ïa shim bynta ha kane ka Lympung ba 34 ka Sengkhihlang.
Ïa kane ka lympung pynkut la sdang ïa ka naduh ka por 10 shiteng mynstep bad la lam khmat ïa ka da u Rgh H. Robin Kurbah President ka Sengkhihlang bad la pynïaid ïa ka da ki ar ngut ki longkmie ka Kong, Santina Mawlong iba dei Asst General Secretary ka Sengkhihlang bad ka kong Solony Bareh ka Auditors Sengkhihlang, ha kane ka lympung la ïoh ïa ka jingkren pdiang burom da u Rgh, Sniawbhalang Dhar, MLA, Deputy Chief Minister ka sorkar jylla bad ïa ka General report la ai da u General Secretary u Rgh Mario Biam, la ïoh ruh ïa ki jingkren phang jong u Rgh, Meliyoo Lyngdoh Ex President Seiñ Raij Muthlong halor ka phang “Ieng skhem ha ka jingïatylli ban nym sa phret ka NIAM Khasi’ bad kumjuh ruh na u Rgh, Paia B Synrem Chairman Cultural Committee Sengkhasi Mawlai bad la ïoh ruh ïa ka shad tynrai na ki tnad Seiñ Raij bapher bapher.
Ha kane ka sngi pynkut jong ka Lympung la wan ban ïa sakhi lang ha kane da u Deputy Chief Minister U Sniawbhalang Dhar MLA Nartiang Constituency ha ryngkat ka jingïadong u Rgh, Wailadmiki Shylla MLA Jowai Constituency, u Rgh Mathew Beyond Kurbah MLA Mawphlang Constituency, u Rgh, Dasakhiatbha Lamare MLA Umroi Constituency, u Rgh, Kyrmen Shylla MLA Khliehriat Constituency (Minister), u Deputy CEM JHADC Lasky Rymbai, u Evening Teron MDC, u J. Treilang Suchiang MDC JHADC,u Holondo Lamin MDC Nongtalang, u Sainia Kyndiah Superintendent Engineer PWD Road, U Roskil Challam SDO PHE Electrical Sub-Division Jowai, U Paul Synnah Executive Engineer PHE Electrical Division Jowai, u Shemphang Syrti Superintendent of Police West Jaiñtia Hills District, U Director General of Police DGP Meghalaya u Dr. Lajja Ram Bishnoi, u Ainam Syiem u Syiem ka Hima Mylliem, ki Daloi u Puramon Kynjing Daloi Elaka Jowai, u Salong Lamare Daloi Elaka Nartiang, u Copiousness Daw Daloi Elaka Nongjngi, U Moon Garod Daloi Elaka Nangbah u Chawas Lyngdoh Daloi Elaka Raliang, U Chui Pohlynjar Daloi Elaka Nongtalang, ha ryngkat ka jing ia don lang ki Langdoh, ki Sagnot, ki President/Secretary jong ki tnad Sengkhasi bad Seiñ Raij bapher bapher, u President/Secretary ka Sengbah ki Nongshat Nongkheiñ ka bri u 7 Trep 7 Skum, u President/Secretary ka Seng Khasi Kmie Mawkhar, bad kiwei kiwei de ki sahep sorkar na ki tnad bapher bapher.
Kumta ka Sengkhihlang ka ai khublei ruh ïa ka Seng Khasi Shaid Shaid kaba kloi ban ai sngewbha da u Mawbynna Sahnam jong kane ka Lynpumg ba 34 ka Sengkhihlang ha ka Seiñ Raij Wahiajer, ka seng ka ai khublei ia ki tnad Seiñ Raij bad Seng khasi kiba pdiang sngewbha ia u mawbynna ha ka 20/04/2024 ka jingïaid lynti jong u naduh ka Seng Khasi Shaid Shaid South West Khasi Hills District haduh ka Seiñ Raij Wahiajer, ryngkat ka ngooh ka dem Blei da u klong u skaw, ka Sengkhihlang ka ïa khublei ruh ïa ki office Sorkar naduh u Executive Engineer PHE Electrical Division Jowai, S.D.O P.H.E Electrical Sub-Division Jowai Executive Engineer PWD Road Jowai, MePDCL Department, Health Department, ka Home Police Department jong ka Sorkar Jylla bad kumjuh ruh ïa ka office jong u Superintendent of Police, South West Khasi Hills District, bad West Jaiñtia Hills kiba la synran lang bad ngi ha ka sngi ba ngi kit ïa u Mawbynna Sahnam ha shilynter jong u Surok bah National Highway tad haduh ban da poi suk ha ka Wahiajer ha ka Seiñ Raij Wahiajer, ha ka juh ka por ruh ka Sengkhihlang ka ai khublei ruh ïa ka Dorbar Shnong Wahiajer naduh ki Executive Members ka shnong u Rangbah/Chairman shnong kiba la ai sngewbha ïa jaka ka shnong ban ïoh pynlong ïa kane ka lympung ba 34 kaba long ka ba jop. Kane ka long katkum ka jing pyllait khubor u Rgh, S. Sari Publicity Secretary Sengkhihlang.
