Ka Efty United XI Mynso ka la jop ia ka Moodymmai Cricket Club da 6 wickets ha ka lympung ialehkai jong ka District Cricket League 2024 ba la pyniaid da ka West Jaiñtia Hills District Cricket Association ha Madan Khliehtyrshi Mini Stadium kaba la long mynta ka sngi 24.04.2024.
Ia ka Toss la jop da ka Moodymmai ha kaba ka la jied ban Bat nyngkong, ha kaba ka la lah ban Bat 92 runs na ka 23.3 overs bad duh lut ia baroh ki wickets, kiba kham lah ban Bat bha dei u Ritchel Passah 25 runs 49 balls, ha kaba na ka liang Efty ki ba lah ban Ball bha ki dei u Levester Phawa 3 wickets 1 overs.
Haka kylla miet jong ka jingialehkai ka Efty haba beh ia ka thong ka la lah ban Bat 96 runs na ka 19.4 overs ha kaba ka la duh 4 wickets. Kiba lah ban Bat bha ki dei u Riboklang Hynniewta 53 run 52 balls bad u Puraki Shadap 19 runs 49 balls, ha kaba na ka liang ka Moodymmai kiba lah ban Ball bha ki dei u Bamanbha Shangpliang 2 wickets 7 overs bad u Mickey Marngar 2 wickets 5 overs.
Iaka nam Man of the Match la ioh da u Riboklang Hynniewta jong ka Efty United XI Mynso.