Ar tylli ki kali kiba kynthup ïa kawei ka Bus Pulit kaba don ïa u Number ML-02-1873 bad kawei ka kali Maruti Gypsy bym shym la ithuh shuh ia u number tangba ka dei jong u riew shimet, kila shah thang dusmon ha ki briew ki bym lah ban ithuh ki dei kiei.
Kane ka jingjia kala jia mynta ka 30 tarik u Ïaïong ha ka por 2 baje dang step phyrngap, ha kaba kitei ki ar tylli ki kali ki dei kiba pynïeng ha ki jaka buh kali jong ka Jowai Police Reserve kaba don ha Salani Coloni, Jowai. Ha kane ka jingjia katei ka Bus pulit kala julor ha ki bynta ba shakhmat katba katei ka Gypsy kala julor bun. Ha kane ka jingjia ym shym la don kano kano ka jingmynsaw.
La suba jur ba kane ka jingshah thang jong kitei ki ar tylli ki kali ka lah ban dei da ka jingkawang da ki petrol bomb .
Halor kane ka jingjia na ka liang ki Pulit kila dep ban Register Case bad ka jingtohkit ka dang ïaid shakhmat ban lap ïa ki briew kiba donkti.