Ka Ummulong Cricket Club kala jop da 230 runs ïa ka Phramer Cricket Club haka jingïalehkai District Cricket League 2024 bala pynïaid da ka West Jaiñtia Hills District Cricket Association ha Madan Khliehtyrshi Mini Stadium kaba la long mynta ka sngi Balang 1 tarik u Jymmang ha ka jingïakhun 1st Semi Final.
Ïa ka Toss la jop daka Ummulong kala la jied ban Bat nyngkong bad kala kamai 326 runs na ki 35 overs bad hap 6 wickets, kiba kamai runs khambun ki long u Sylvester Mylliempdah 88 runs 63 balls bad u Chongtre I man Lamare 45 runs naki 30 balls, katba na ka liang ka Phramer kiba ïoh ban khur Wickets bun ki long u Deimiki Rabon 2 wickets naki 7 overs.
Haba wan ban beh ïa ka thong ka Phramer kala lah ban kamai tang 96 runs naki 19 overs bad hap lut baroh ki wickets. Kiba kamai runs khambun ki long u Pyrkhat Sari 38 runs naki 37 balls, katba na ka liang ka Ummulong kiba ïoh ban khur wickets bun ki long u Pynskhem Phawa 4 wickets naki 3 overs.
Ïaka nam Man of the Match la ïoh da u Sylvester Mylliempdah jong ka Ummulong Cricket Club.
La pyntip ba ka 2nd Semi Final lashai ka sngi kan long hapdeng ka Mupliang Cricket Club pyrshah ïa ka Efty United XI Mynso.