Ka District Legal Services Authority (DLSA), West Jaiñtia Hills District da ka jingïarap pisa ka National Legal Services Authority kala pynlong ïa ka prokram ai jinghikai halor ka phang kaba ong “Narcotic Drugs and Psychotropic Substance Act, 1985” kaba la long ha ka 30 tarik u Ïaïong, 2024 ha Kiang Nangbah Government College, Multipurpose Hall, Jowai.
Ïa ka jingïalang la pynïaid daka Dr. J. P. Sharma, Associate Professor, Kiang Nangbah Government College kaba la ai ruh ki kyntien pdiang sngewbha sha baroh ki samla pule na ki Colleges bad ki Schools bapher bapher kiba la wan ïa shim bynta lang sha kane ka prokram.
Ka jingmut jong kane ka prokram ka long ban ai jingtip khambniah sha ki samla pule bad ki nonghikai shaphang kane ka kyndon aiñ “Narcotic Drugs and Psychotropic Substance Act, 1985”, kaba lah ban ïarap shibun ïa kitei ki samla pule bad ki nonghikai ban tip khambniah.
Ha kane ka prokram la wan ban ïadonlang da u District and Sessions Judge -cum- Chairman, District Legal Services Authority, West Jaiñtia Hills District, u N. A. Khan, MHJS, haka juh ka por ula ai jingkren ha ryngkat ki jingbatai bniah lyngba ka (slide presentation) shaphang ka “Narcotic Drugs and Psychotropic Substance Act, 1985” and “Illicit Trafficking of Drugs”.
Ula ong ruh ka jingpynlong ïa kane ka prokram ka ïarap ban sngewthuh khambniah shuh shuh ïa ki lad jingtip shaphang ki kyndon aiñ jong kane ka Act.
Na ka liang ki riew shemphang kiba la ai jingbatai ki kynthup ïa u SI. J. K. Majaw, In-charge, Anti Narcotic Task Force, West Jaiñtia Hills District u ba la kren shaphang ka “Role and Functions of Police Officer under NDPS, Act, 1985”. Katba ki nongbatai na ka Mihmyntdu Community Social Welfare Association TI – IDU, ki long u P. Lamare bad ka samla N. Challam.
Ha kane ka prokram la don ruh ka jingïaphylliew jingmut lang hapdeng ki nongwan ïa shim bynta sha ka prokram bad ki riew shemphang shaphang kane ka kyndon Act.
Ïa ki kyntien ai khublei la ïoh na ka kong B. Majaw, MJS, Secretary District Legal Services Authority, West Jaiñtia Hills District.
