Ka Ummulong Sports Club kala long ka lahduh ha ka jingïalehkai District Cricket League 2024, bala pynïaid da ka West Jaiñtia Hills District Cricket Association ha Madan Khliehtyrshi Mini Stadium, da kaba jop 3 runs ïa ka Efty United X1 SC (Mynso) ha ka jingïakhun phainal ha ka sngi Siatjaiñ.
Haba phai sha ka jingïalehkai ïa ka toss la jop daka Efty United X1 SC (Mynso) kala la jied ban bol nyngkong, na ka liang ka Ummulong Sports Club kala lah ban kamai haduh 203 runs na ki 31.3 overs bad hap 7 wickets. Kiba kamai runs khambun ki long u Sylvester Mylliempdah 68 runs bad u Camlyone Passah 49.
Ha kane ka jingïalehkai na ka daw ka jinghap u slap ïa ka innings jong ka Ummulong la hap pynkut ha ki 31.3 overs bad haba sdang biang ïa ka pali ban beh ïaka thong da ka Efty United X1 SC la buh thong ïa ka haduh 83 run na ki 10 over bad la pyntreikam da ka DLS method.
Katba na ka liang ka Efty United X1 SC (Mynso) haba beh ïa katei ka thong bala buh, kala lah ban kamai tang 79 runs naki 10 overs bad hap tang 6 wickets.
Ha kane ka jingïakhun phainal ïaka nam Man of the match la ïoh da u Pynskhem Phawa, ïa ka nam Youngest Player of the Tournament la ïoh da u Eshan Siangshai, katba na ka liang u Sylvester Mylliempdah ula long u rang kawang bol ba ïoh khur bun eh ki Wickets haduh 13 wickets, katba u Chongtre I Man Lamare uba ïoh kamai bun runs eh haduh 303 runs ha kane ka Tournament.
Ïa ki khusnam sha ki nongjop la sam da u kongsan ma K. Passah uba dei u Assistant Director jong ka Directorate of Sports & Youth Affairs, ha ryngkat ka jingdonlang u MLA ka thaiñ, ki nongkitkam ka West Jaiñtia Hills District Cricket Association nalor kiwei de.
