Ia ka Passing Out Parade jong ka 3rd Batch Basic Training na ka bynta ka jingpynrung kam Constable ha ka 6th Battalion Meghalaya Police bad Homeguards & Civil Defence la pynlong mynta ka sngi (30/11/2021) ha Armed Police Training Centre jong ka 6th Battalion Meghalaya Police kaba don ha Umran, Ri Bhoi District.
Ha kane ka Passing Out Parade kila don haduh 92 ngut ki Constable kiba la lah ban pyndep ia ka training jong ki.
U bah A.R. Mawthoh, IPS uba dei u Commandant General Homeguards and Director of Civil Defence jong ka Meghalaya ula long u Kongsan ha kane ka sngi.
Kala don ruh ka jingsam khusnam sha ki katto katne ki Pulit kiba la lah ban leh bha ha ka por ba ki dang don hapoh ka training. Kine ki kynthup ia u Humbleman Jyrwa na ka Home Guard uba la ioh ia ka nam Best Trainee in Physical Training, u Nambilla B Sangma na ka Battalion uba la ioh ia ka nam Best Disciplined Trainee, u Riboksan D Sawian na ka Home Guard uba la ioh ia ka nam Best Trainee in Musketry, u Aiboklang Lyngkhoi na ka Battalion uba la ioh ia ka nam Best Trainee in Outdoor Subjects, u Lamborlang Nongpiur na ka Home Guard uba la ioh ia ka nam Best Trainee in Drill bad Sunit Hajong na ka Home Guard hi ba la ioh ia ka nam All Round Best Trainee.
Ha kane ka sngi la iadon lang ruh ka Deputy Commissioner ka Ri Bhoi District kong R.M. Kurbah, IAS, kumjuh ruh ki ophisar rangbah jong ka tnad Pulit bad Homegurds & Civil Defence.
