Ka ophis treikam jong u Lat ka Jylla u Phagu Chauhan mynta ka sngi kala pynkup burom ia ki 20 ngut ki NCC Cadet jong ka Shillong Group NCC kiba la wan ban mihkhmat ia ka Jylla ha ka Republic Day Camp ha u bnai Kyllalyngkot 2024 ha New Delhi.
Ia kane ka jingpynkup burom la pynlong ha Durbar Hall jong ka Raj Bhavan, Shillong, ha ka jingiadonlang u Additional Director General jong ka North Eastern Region (NER) Directorate of NCC Maj General Gagan Deep bad u Group Commander Meghalaya Group NCC, Brig Vijayant Mahadik, Officers jong ka NCC, ki kmie ki kpa bad ki Pricnipal jong ki skul bad ki ANOs jong kine ki NCC cadets.
Ia kine ki dkhot jong ka NCC la ai da ki Certificate bad ka song pisa. Kane ka kynhun ka la ioh ban iashim bynta ha nongbah Delhi kum ka Guard of Honour, National Integration Awareness Programme, Cultural Programme, Flag Area Competition bad ka Prime Minister Rally. Na kane ka kynhun jong ki 20 ngut 4 ngut na ki, kila shah jied ban iashim bynta ha ka Contingent Marched jong ki NCC ha Kartavya Path ha ka Republic Day Parade mynta u snem.
Kum ban shu pynkynmaw ba ka North Eastern Region NCC Directorate hapdeng jong kane ka snem ka la don 11 ki samla kiba la rung sha ka kam shipai kum ki Officer, 276 ngut kum ki Agniveers bad 120 ngut sha ka kam CAPF. Na ka liang jong u Lat Phagu Chauhan lem bad ki heh jong ka NCC kila ai ka jingiaroh ia kine ki samla bad kila buh ruh ka jingkyntu ia ki wei pat ki samla ban rung sha ka NCC bad lyngba ka NCC kin sa lah ban rung sha ki kam shipai de.