Kawei na ki Kompani ba paw bha ha ka jingpynmih ïa ki mar Elektrik naduh ki buld light, ki Fan, ki Wire bad kiwei de ki mar ba pyndonkam haba shna ïaka bording (Electrict) ha ki ïing ki sem jong ki briew.
Hynnin ka sngi 12 tarik u Jymmang kane ka Kompani kala sdang ban pynïaid ïew ïaki mar jong ka ha ka Jaiñtia Hills East bad West haka jingïalang bala pynlong ha Tyrchi Inn, Khliehtyrshi West Jaiñtia Hills District ha kaba la wan ïashim bynta da ki nongdie tiar (light) na kylleng ki jaka.
La pynsngew da ki bor pynïaid kane ka kompani ba ‘ka don ïa ka thong ba pynhun ïa ki nongthied nongpet (customer) naduh ka jingduna ka dor bad ka jingbha jong ki mar ki mata’, khnang ba ki paidbah kin ïoh ka jingshaniah haba pyndonkam ïa kitei ki mar Elektrik.
Hapoh Jaiñtia Hills yn pynïaid ïew ïa kitei ki mar lyngba ka dukan MEGHLIGHT Electrical Enterprise kaba don ha Kynrooh Saphlang, Iawmusiang Jowai, ha kaba ki nongthied ki lah ban ïoh na katei ka dukan, kum ka Kompani kan pyrshang ban pynpoi ïa ki mar ha kylleng ki jaka wat shaduh ki thaiñ nongkyndong bad ki jaka khappud (Bangladesh) ruh.
U Manish Sethia, Jivah Business Head Northeast haka jingkren sha ki lad pathai khubor ula batai shaphang ka jingmut jong kane ka kyntien JIVAH kaba long ka bor jong ka jingim, ïa kaba la sdang ban wanrah hapoh Jaiñtia Hills la kumba 15 snem, kumba long mynta kane ka Kompani kan sa sdang ban pynïaid ïa ki mar ym tang hapoh ka Ri hynrei war shabar Ri kumjuh kum sha Myanmar, Bangladesh, Bhutan, Dubai bad kylleng ki jaka jong ka Asia.
“Bunsien hapoh Meghalaya ki kompani ki ju pynïaid ïew ïaki mar tang ha Nongbah Shillong hynrei mynta ka kynti ka JIVAH kan sdang ban hiar sa sha Jowai, sha Lad-Rymbai, Khliehriat, Dawki bad kumjuh sha Garo Hills” ong u Manish Sethia.
Shi bynta ban pynïoh kam ïaki trai jylla lyngba kane ka Kompani, ula ong hapoh ka jylla Meghalaya kin ïaleh ban pynsuk ïa ki nongthied nongpet ha ka rukom ban kylliang kloi ïa ki mar jong kane ka Kompani, da kaba yn buh ïa ki ‘Serving Centre’ ha kylleng ki jaka khnang ba ki paidbah kim donkam shuh ban pynshitom da kaba leit shabar ka jylla.
U kyrmen lyngba ki mar jong ka JIVAH kan ïarap shibun eh khlem jingartatien ne khlem jingbakla ïa ki paidbah kiba pyndonkam ïa kine ki mar ka Kompani haka liang ka bording Elektrik.
