Ka tnad treikam jong ka District Planning Officer, Jowai ha ryngkat ka jingïatreilang bad ka State Council of Science, Meghalaya mynta ka sngi kila pynlong ïa ka jingïakop bapher bapher na ka bynta ki khynnah skul, shi bynta na ka jingrakhe ïa ka World Forestry Day and World Water day, 2024 ïa kaba la pynlong ha District Library Auditorium, Mynthong, Jowai.
Ka phang jong ka jingrakhe mynta u snem kaba ong “Water for peace” and “Forest and Innovation: New Solutions for a better World”.
Shi bynta ban pynsngewthuh shuh shuh halor ka jingdonkam ban pynneh pynsah ïa ka um bad ki khlaw ki btab, na ka liang ki khynnah na ki 8 tylli ki skul kila wan shakhmat ban ïashim bynta ha ka jingïakop thoh Essay, jingïakop kyntip (Quiz) bad ka Extempore Speech.
Hadien jong kane ka jingïakop la sam ïa ki khusnam sha ki nongjop da u Additional Deputy Commissioner, West Jaintia Hills u bah F B Basan.
