Ka ophis District School Education Officer, East Jaintia Hills District, mynta ka sngi ka la pynlong ia ka District Level Science, Mathematics, & Environment Exhibition halor ka phang pdeng “Science and Technology for Society” ha Jaintia Eastern College, Khliehriat, East Jaintia Hills District.
Ha kane ka exhibition la wan ban iashim bynta shongshit da ki kynnah skul na ki skul bapher bapher kiba don hapoh ka District.
Na ka liang jong ki khynnah skul kila ioh ban pyni ia ki jingshna bad jingpynwandur bapher bapher kaba kynthup naduh ka jingshna ia ki Sand Battery Energy, ka Rain Water Harvesting, Geothermal Power Plant, Neutralization of Acid Water bad kiwei de.
Hadien ka prokram la sam ia ki Certificates bad ki Mementoes sha baroh ki nongjop. U Md. Noor Ahmad jong ka skul Little Star Secondary School ula wan ba nyngkong, ka Trustly Rymbai na ka Good Shepherd Secondary School ka la wan ba-ar bad u Diborlang Nongtdu na Tluh Secondary School ula wan ba-lai.
