U Deputy Commissioner & Chairman, District Disaster Management Authority (DDMA), jong ka East Jaiñtia Hills District, ha ka jingpyllait khubor mynta ka sngi ula bthah ïa baroh ki nongleit nongwan kiba dei ïaid lyngba ïa ka jingkieng kaba don ha u surokbah NH-6 ha shnong Pyrtakuna ban long kiba phikir khnang ban lait na ka jingmynsaw
Kane ka jingkieng kumba long mynta kala julor jur bad peit thliew ha kaba don ki bynta ba ki na rod ki la paw bad mih lut shabar bad kane ka buh ka jingma kaba khraw khamtam ïa ki kali motor kiba dei ïaid lyngba ïa kane ka jingkieng, kaba lah pat ban ktah bad pynthut ïa ka ïaid ka ïeng jong ki riew paidbah kiba dei ïaid lyngba ïa u surok bah NH-6.
Ha kaba ïadei bad kane na ka liang jong u Deputy Commissioner & Chairman, District Disaster Management Authority (DDMA), East Jaintia Hills District ula buh ka jingkyntu ïa baroh ki riew paidbah, ki nongleit nongwan bad ki kali motor ban shim ïa ki lad jingïada da kaba kohnguh ïa ka jingpynïaid ïa ki kali haba ki jam sha shiliang ïa katei ka jingkieng khnang ban lait na kino kino ki jingjia ba sngewsih, katba ka jingmaramot ïa katei ka jingkieng ka dang ïaid.