Ka Director General of Police (DGP) ba thymmai jong ka Meghalaya ka kong Idashisha Nongrang, IPS mynta ka sngi ka la leit ban iakynduh ia u Lat ka Jylla u Phagu Chauhan ha Raj Bhavan, Shillong.
Ha ka jingiakynduh na ka liang u Lat ula ai khublei kitbok kitrwiang ia ka kong Nongrang halor ka jingioh jong ka ban bat ia kane ka shuki ba halor duh jong ka tnad Pulit, ula kular ban iatreilang bad ka ha kino kino bynta ba donkam bad ula kyntu ruh ia ka ban khmih bha ha kaba iadei bad ka suk ka saiñ hapoh ka Jylla.
Na ka liang ka DGP ruh kala pynpaw ka jingkmen ban ioh ia kane ka lad ban ai ka jingshakri kaba bha tam ia ka jylla bad ka jingshngaiñ ia ki nongshong shnong baroh.
Ha kane ka sngi la iadon ryngkat lang ruh u Principal Secretary to the Governor u Harish Chandra Chaudhary, IFS.
