Ki ar ngut ki heh jong ka National Institute of Technology (NIT) Meghalaya, u Sunil Alagh ba dei u Chairman ka Board of Governors ka NIT, Meghalaya bad ka Prof. Pinakeswar Mahnta, Director jong ka NIT Meghalaya kila iakynduh mynta ka sngi ia u Lat ka Jylla u Phagu Chauhan ha jaka trei jong u ha Raj Bhavan, Shillong.
Ha kane ka jingiakynduh na ka liang jong kine ki heh ka NIT, Meghalaya kila iaphylliew jingmut bad u Lat shaphang shibun ki lad pynroi kiba lah ban wanrah lyngba ka NIT bad la iakren ruh halor ka jingpynbha ia ka rukom ai jinghikai katkum ka jingiaid jong ka por.
Na ka liang jong u Lat ula pynpaw ka jingiaroh ia ka NIT bad kyrmen ia ka jingbteng jong ka ban ialam ia ka pule puthi kaba bha hapoh ka jylla. Ha kane ka jingialang la don ryngkat ruh u Principal Secretary to the Governor, u Harish Chandra Chaudhary, IFS.
